حين تخنقك العبره؟؟أين تذهب ؟؟تعالو نتناقش بصراحه

[بومحمد]

السلام عليكم ورحمة الله وبركاته......


واحنا اصغار كانت لنا مواقف مختلفه وقد تكون مضحكه نوعا ما ....


وخاصة وقت مانزعل ... وحتى الآن ,,,,




فسؤالي إليكم ...





اين تذهب حين تبكي؟؟

من منا لم يتشاجر مع اخوته؟

من منا لم يبكي يوما لموقف ما؟

و من منا لم يهرب جريا عندما يحدث أمر كهذا؟

ولكن الى اين تذهب ؟؟؟



طبعا معظمنا فعل ذلك.. لكن؟!


هل فكرت لماذا تذهب الى هناك و ليس

الى حضن امك او اخوك الكبير او اختك الكبيرة مثلاً؟


ماذا تفعل هناك؟



تخرج خارج المنزل ؟؟

ام كنت تختبئ في زاوية في خلف المنزل او في المطبخ او المخزن ؟؟






الى اين تذهب؟؟


ومتى تعود ؟؟


ما هو شعورك حينها ؟؟

وهل ضحكت يوما على نفسك عما تفعله؟؟؟

[alholilah City]

مشكورة اختي زينب ع الموضوع الجميل

انا ياختي صارت لي اشياء وصرت اصيح فيها بدون شعور

لاكن اللي جمعهم هو اني كل ماجيت اصيح اروح لهالاماكن

انا مابذكر الاسباب بس بذكر الاماكن اللي كنت اروح لها

** جبل القارة

** مزرعتــنا والغريب اني ادخلها في الليل وماشغل حتى اي نور لي دخلت

بس بعد ماتنتهي ازمتي استغرب اقول شلون دخلت مزرعتنا في الليل

صحيح يمكن الشي يكون مضحك عن الناس لاكن الى الان

لي تذكرت الايام اللي بكيت فيها

مااضحك لان الاسباب اهلتني للبكا

[عشقي الحليله]

/

انا من النوع اذا تطرقت لنقاش مع شخص ابكي مقدر أتناقش لاني بسرعه انفعل

واذا تخانقت مع شخص بعد انفعل وأبكي بس الاماكن اللي أروح ليها

هي لاني بنت مقدر اطلع من البيت واروح هنا أو هنا .. ادخل المطبخ والله شي مضحك بس ماعندي الا ذا

المكان واقفل على نفسي او أجلس فوق الدرج وأكتب خاطره في اللي صار لي أو في صلاتي ..

وان شاء الله ربي يبعد عنا الاحزان والهمووم ويثبت قلووبنا على الهدايه ونسير على نهج آل البيت عليهم السلام

/

زينب

/

أشكر لك طرحك المميز عن جد ضربتي على الوتر الحساس .. جبتيها على الجرح

لاعدمناك

[درة الحليلة]

لماا يضايقني شيء وابكي أجلس في غرفتي الى ان اهدئ
وبعض الاحيان احاول انووه ماتنزل دموعي وانتظر صلاة الليل واتوجه لربي
وامامي المهدي وأخبره بكل ماهو مضايقني ..

ربي يعطيك الف عافية على طرحك .. تحياتي ..

[حورية الكون]

انا لما احد يزعلني ونا اصغيره ادخل غرفه وضل اصيح لمن يطيب خاطريه وطلع ولا كانه صار شي
الله يعافيك

[مسك]

اروح غرفتي طبعا واتخبى في فراشي واسوي نفسي نايمه خخخخخ

لاني ماحب احد يشوفني وانا ابكي


يسلموووو زينب على الموضوع

[مجنونه]

الصراحه انا وانا صغيره مريت في هذى التجربه
وكنت ادخل الغرفه وانام وانا اصيح لا انى احس انى في عالم لحلى فيه ماحد معى
يسلمو خيتو

[غزلان]

انا اذا تضايقت وبكيت
طبعا ماخلي احد يشوفوني
احاول اخفي مشاعري لين الليل
اصير لحالي واجلس احاسب نفسي
طبعا لابد من البكاء والدعاء ايضا

يعطيك العافيه

[الفراشه]

انا تقريبا اسوي مثل ماقالوا البنات
مشكورة اختي لطرحك للموضوع

[الخبلة ام كشة]

وانا اصقيرة لما اتضايق عيني عينك اصيح قدام الانسان الي ضايقني واشيلها صراخ واقعد ارافس باي شي يكون قدامي>>>>شتسوي بزرة لاتلومونها


بس الحين لما اتضايق صديقتي هي اول ماالجئ لها واشكي همي لها وبذاك ارتاح لما اقول كل الي عندي


يسلمو غاليتي...

[رمل الشواطي]

أذهب ال من يبسط لي جوانح الحنان والأمان ....وأخبره بما يضيقني من هموم الزمان ويسمعني وكانه أنا...
يغمرني باحضانه ويرسم لي بسمة الأمل ويمسح من عيني دمعة الألم......
.انها ذالك الحضن الذي ارتمي عل أعتابه اجلالا لها

أمـــــي


تحيااتي

رمل الشواطي