بدون خجل هل تفعلينها لو طلبها منك ليلة الدخلة ؟؟اجيبي بصراحة وبدون خجل

[الفضول عزي]

بدووون خجل هل تفعلينها لوطلبها منك ليلة الدخله؟؟؟!!!!


قصة واقعية حصلت في ليلة الدخله

اول شي انا وضعت هالقصه لأعرف ماهي ردودكم على مافعله هذا الرجل بعروسه


اليكم القصه ..

شاب راح يخطب وحده وتمت الموافقة على الخطبة ومن ثم الزواج المهم وش اللي صار ليلة الدخلة بعد مادخل صاحبنا شقته مع زوجته وإلا موبايله يرن ويقوم هالمعرس يرد على الموبايل ويدور الحوار التالي :

الزوج : الووووو
المتصل : السلام عليك، كيف حالك يا (فلان) و ألف ألف مبروك
الزوج : وعليكم السلام وينكم يا انذال ماحضرتوا الحفل يا تعبانين
المتصل : والله تعطلت علينا السياره في الخط وحنا جايين عندكم ووصلنا وسألنا عنك قالوا انك رحت مع المدام والحين حنا راجعين الديره
((طبعاً الديرة تبعد حوالي 300 كم))
الزوج : المهم تعشيتوا
المتصل : لا والله
الزوج : كم عددكم ؟
المتصل : عشرة
الزوج : اقولك (عشاكم الليلة عندي) قل تم
المتصل : يا ابن الحلال مايصير انت عريس جد و.. و..
المهم مافيه فايده الزوج مصر الا يتعشون عنده
الزوج : يالله انا انتظركم مع السلامه وقفل الخط
الزوجه المسكينه ما هي مصدقه اللي سواه زوجها ليلة الدخلة ثم قال يافلانه انا رايح السوق وراجع
((على بالها يبي يجيب عشاء جاهز))
بعد ربع ساعه رجع الزوج ومعه اغراض العشاء
قالت الزوجه وش ذا
قال الله يسلمك قومي سوي العشاء لزملائي في العمل جايين من بعيد ولا تعشوا
،،،وفي أثناء الحوار،،، وإذاالباب يدق
قال هم ذولا وصلوا يالله همه يا مره وراح عند ربعه يقهويهم المهم المسكينه في المطبخ تقطع البصل والطماط بفستان الزفاف وعيونها تدمع وتقول في نفسها ( بكره بأرجع عند اهلي من الفجر واطلب الطلاق)
المسكينه سوت العشاء وتعشوا وراحوا لديرتهم المسكينه متضايقه


والمفاجأة ... ؟؟؟؟؟؟؟؟؟؟





يدخل زوجها عليها ويرمي لها خمسة الاف دينار قال هذا حقك
قالت حق شنو قال الرهان اللي بيني وبين زملائي العشرة على كل واحد (500دينار) بأنك تطبخين ليلة الدخلة وش يكون ردة فعلك موافقه والا ... لا وانتي من كسب الرهان وتمت ليلتهم على خير وصاروا اسعد زوجين

هههههههههههههههههه تحياتي لكم

[كتكات]

مشكور اخوي عزي
وموضوعك في غاية الروعه

[دانيال]

ماعتقد البنات راح يوافقوا بدون مايعرفون المقابل

اما اذا عرفوا المقابل اكيد راح يسوون هالشي وهم مغمضين بعد

مو كلهم طبعاا

[احلام العشاق]

بس انا اشوووف ان البنت تنفذ ما يأمرها زوجها
إلا في عصيان رب العالمين وتحياااتي لكي وموضوع جميل
يا اختي عصافير

[شموخ فتاه]

أناااااااااااااااااااااااااااااااااااااااااا

أدخل المطبخ ليلة الزواج
و الله لو يعطيني مليون
انا ما ادخل المطبخ الا بعد شهر كامل ولا ثانيه تنقص منه من الزواج

و ان حصل وطلب مني كذا بقضبه باب الشقه ولا يوريني وجهه
قال ايش قال اطبخ ليلة الزواج
هذي مجنونه الي تسويها

[جنة يوسف]

ههههههههههههه
قهرتيه تقطع البصل بلفستان الابيض
شان اول مادخل عند ربعه اتصلت على اهلي ياخذوني
فستان ابيض وطرحه وحنه واكسسوارات وعطورات وغيره
واخرتها ادخل المطبخ لو يقول يبيلي ماء مايبتله
مو اسوي عشه لربعه له وعددهم 10 موواحد واله اثنين
قهرتيه ابي اعرفها علشان اكفخها
هههههههههههه

[المصطفاتي]

صحيح ذي الزوج سخيف لا والزوجه
أسخف منه بس شافت الفلوس

بس حتى البنات اللي استينو واللي تبغي تكفخها
راح ترضون تدرون اذا كان دينار كويتي كم يطلع بالريال
ستين ألف
60000
يعني بتوافقون

تحياتي لكم
وجهة نظر

[صمتي جرحني]

هذا دليل ان الزوجه مطيعه وسنعه وراعية واجب
وما تبغي تكسر كلمت زوجها من البدايه
وفي البدايه والنهايه هي الكسبانه
طبعا مو الفلوس000
رضى زوجها عنها
بس طبعا لو انا مكانها ماراح اسويها000

[BASSAM]

ليلة الدخله من اهم ايام الزوجين فمن الصعب تعويض هذه

[حنين الورد]

طرح رااائع أخي الفضول عزي دائماً تفاجأنا بما هو مميز..أشكرك على هذا الطرح..

بس لحظة يا أخوان ليش فهمتوا ان الزوجة ماطاوعت الا علشان الفلوس هي اشعرفها انه بيعطيها افلوس اذا طبخت ..."هذي نقطة "

"النقطة ثانية"ليش يعني البنات مايشتغلوا الا بمقاابل ..؟ ياما بناات يشتغلوا بدون مقاابل المقاابل من الله بالأجر والثواب ومن الوالدين بالرضا..

"النقطة ثالثة"السالفة مو مثالية السالفة زوج طلب "بغض النظر عن الطلب مليكته"من زوجته يمكن يجربها من اول ليلة مافيها شي بالنسبة لي..

ع العموم الشكر عائد لصاحب الموضوع المييز والمتألق دائمــاً..

لا عدمنا جديدك..

دمت بوود

عــــذآآري

[رمل الشواطي]

رائع ماسطرت لنا من كلمات......تميز ملحوظ...الفضول عزي...وفقك الله

الموضوع حساس تدري أول دخلة بالبداية لازم تكون رهبة وإنها لازم تطيعها.........فاعتقد

مو أي بنت ترضى.....ويمكن تكون ردة فعل قاسية........
والبنت ماترضى غالبا تتغلى الا إذا كان هناك دافع........
هي قررت إنها تعمل العشا له عشان تطيعه هذا إيجابي....وفي نفس الوقت انقهرت منه وقررت إنها تكلم أهلها عشان الطلاق منه...ولكن لو إن لم يتم أرضائها بالرهان أظنها كلمت أهلها وهذا سلبي............
بالمختصر...لا حد يراهن على زوجته لان مو كل مرة تسلم االجرة..............هه


شكراا لطرح مرة تانية.........

[مجنونه]

الصرااحه لو انا مكانها راح اسوى العشى من غير مااسئل لا انى بكون اصلامنحرجه ومنقهره من الداخل
ويسلمووو

[حورية الكون]

لو حاصله لي ليلة الزواج ما اتوقع اني ادخل لاني ما اعرف اطبخ مره وحده
الا شني بستحي اني اول ليلة زواجي ولا ابي اكسر بخاطره واخاف يرجعني بيت اهلي ويقول بنتكم مو مطيعه يمكن اسويله عساه معفوس :sm109::sm109:مسكين ريلي الله يحفظه
تسلمين على الموضوع

[الخبلة ام كشة]

انا بصراحة راح اسويها
لانة هذي بداية حياتنا يعني مابقى ارفض لة طلب من اول يوم
خلوها تصير خير علينا وبسوي اشياء خفيفة والباقي يطلبة من المطعم
وانحلت المشكلة

يسلمووو عالطرح...