يوم في حياة عضو

[الفراشه]

موضوع جميل وخفيف وياليت الجميع يشارك فيه ...


الفكره عجبتني وحبيت اطبقها بالمنتدى...





سنقوم باستضافة عضو..يحكي لنا عن مسار يومه ...



منذ ان يصحو صباحاً حتى يحل الليل وينام...


متحدثاً بحريه تامة وبأسلوب..عفوي جداً.وكم جميل لو كان به



بعض المــرح والإنطلاق والتحرر من قيود المواضيع الروتينيه


ثم بعد أن ينتهي يقوم هو شخصياً بأختيار عضو آخر


ليحكي لنا عن تفاصيل يومه وكيف يقضيه...


طبعاً حبذا لوكان التحدث عن يوم عادي وليس يوم إجازه


وذكر التفاصيل ليكون الموضوع ممتع...


طبعا كل عضو نختاره ويتكلم عن نفسه بعد ان ينتهي



يختار هو العضو الذي يليه وهكذا....


اتمنى تعجبكم الفكره...


ودمتم في حفظ الرحمن...


وانا اول من سيختار....


اممممممم...


اختااار


.: البرنسيس

[مجنونه]

يااااااااااى على هالموضوع
شي شي
يالله يالبرنسيس ننتظر يومك لاتتا خر علينا نبى يومك بالتفصيل
مشكوره اختى اريج على طرحك لهيك مو ضوع
لاعدمناااااااك

[غمزة دلع]

يعطيك الف عافيه

موضوع رائع

وننتظر الاخ

[سفير الغرام]

يلا شكل البرنسيس يتهرب هع

ننتظر يومياتك

مشكوره خيتو اريج على هذا الموضوع الجميل

يعطيك العافيه ان شاء الله


مودتي لك

[الغريب]

في قمة الروعه على الموضوع الجميل

اشكرك اريج على طرح الرائع

يالله يا لبرنسيس شكلك من جد تتهرب

او تبيني اتكلم عنك عدي قولي وتكلم اذا انت من حرج

بتوفيق الجميع انشاالله

تحياتي .....

الغريب....

[انشودة المطر]

سلمت الأيادي اريج
ع ا لموضوع الخطيـــــــــــــــــــــــــــــر

http://www.sedty.com/vb/images/smilies/004.gif

[البرنسيس]

هلا اريج

يعطيك العافية

تسلم يدينك

حطيتيني بوجه المدفع لكن ان شاء الله راح احكي

قصة يوم امس

بسم الله


طبعا وكـ العادة في الاجازة سهر


موقت الساعه على الساعه 10.45 صباحا

رنه ودق وتعب الجوال وهو يرنرن المؤقت كانه يقولي قوووووووم يالله

لكن لاحياة لمن تنادي المهم بعد عناء الساعه من التنبيه جلست الساعه 12.02 ضهرا

كان عندي اجتماع بمكتب العمل بالاحساء

قمت وغسلت وجهي عفست في الثلاجة

كسول مايبي يخدم روحه قلت بسوي سندويش وتالي هونت قلت ياولد رح البقالة احسن لك

رحت البقالة صديق في زعتر قال ايوة اخذت زعتر ابو نص وبيبسي

ورحت الاجتماع خلصت الساعه 2 ضهرا

رجعت البيت اشوف الباب حق البيت صار بابين والله من النوم

دخلت وينك يالسرير ولكن الاهل والبزران وين تنام عافسين الدنيا

قمت وشغلنت النت وعلى المنتدي اطقطق

دق على نسيبي يالله نطلع نحوس

وفرفر في الشوارع

قلت فرصه اودي سيارتي الورشة ورحنا

صار المغرب طبعا حان الان موعد الذهاب الى العمل مريت اقرب مكتب عندنا

ويالله شل من النواقص والي تحتاج


ومشيت وصلت بحفظ الله ورعايتة

بس بعد عناء يوم شاق من حياتنا


ويعطيك العافية

طبعا هذا يوم مافية شي مهم يوم عادي مر من ايام الدنيا


اريج اشكرك على الاستظافة

سلمت يداك

موضوع رائع

وان شاء الله الي بعدي يكون له يوم كوميدي

او يوم مرعب مثل الافلام يطلع له اسد هههه

[الفراشه]

ههههههههههههههههههههه
فلم هندي يومك
يعطيك ربي الف عافيه
بس نسيت يالبرنسيس تختار عضو بعدك
هالمره بختار انا بي الي بختاره العضو
بعده يختار عضو من الاعضاء بعده
امممممممممممممممممممم
.
.
.
.
.
.
اختاااااااااار
سفير الغرام
بس لك يومين سفير وبعدها نختار عضو بعدك
ولا تنسى تختار عضو بعدك
يلى نستناااااااك سفير

[سفير الغرام]

ههههههههههههههه

والله ما ألومك الواحد يجلس من النوم يبي الشي جاهز قدامه

.. اريج كأنك وهقتيني ههههههههههههه

احم احم يلا نبدأ بسم الله الرحمن الرحيم

يوم امس السبت التاريخ 27 _5 _1430

نمت الساعه 6 الصباح ماشفت نفسي الا صحيت 10 الصبح لوحدي

وطبعا غريبه هذي اول مره تصير لي ولا العاده اعبيها نوم هع

وجلست احترت شسوي طبعا معروف على طول جلست على المنتدى

والساعه 11 رحت جبت اختي من بيت خالتي

ورجعت على النت لين وقت الغدا وانا على النت

وبالعصر الساعه 4 رحت لصاحبي اخذ اوراق منه اطبعه للأختبار>>مجتهد

وظليت اسولف معه بالسياره ساعه كامله وسوالف بايخه هع

بعدها رحت عند ولد عمي في بيتهم وجلسنا على النت نلعب بلياردو

واتصل على ربعي واعطيهم اجوبة الأسئله

وظليت لين الساعه 9 معه >>واختباره اليوم الاحد وهو يدور هههههههه

وطلعت رحت لشخص ثاني عنده الملخص مرتب ومكتوب بالكمبيوتر رحت وطبعته

وبصراحه ما اكذب عليكم صرت اسرع بالسياره علشان الحق على المكتبه الي جنب بيتنا

ابي اسوي براشيم هههههههههههههههه لان الساعه صارت 11وطلع ماتسكر الا 1 هع

خلصت الي ابي بعدها رجعت ذاكرت الاسئله لين الساعه 2 ونص ورحت عند عيال عمي بالمزرعه

وجلسنا لين الفجر ورحت نمت هع




واسف على الاطاله وان شاء الله كنت خفيف عليكم >>>ياثقلك طس بس

اختار بعدي :::: زميلتي بالاشراف مكسورة الخاطر

حيوها هع

[انشودة المطر]

هذا ينقال ان عندك اختبار

بصراحة انت طالب مثالي " مدام انك امسوي براشيم ليش امكلف على عمرك وجالس تذاكر


ههههههههههههههههه

ولا رايح تكمل السهر والوناسة صحيح انك رايق (يالذيذ يارايق سفن اب)

[كعبة الاحزان]

اوووووه على اليوميات
خصوصاً يوميات ابو البراشيم
صج الا ولاد مايعرفون غيرها ولولاها ماذاقوا طعم النجاج ابد
كان بدال هالحواسه والفراره جلست ذاكرت لك كلمتين
بس يالله مادامها بتنجحكم ماعليه غشووا :) خخخخ
يالله في انتظار الاخت مكسوره

[سفير الغرام]

ههههههههههههه

اذا مارفهت عن نفسي كذا ماتصير عندي نفسيه للغش اوووه اقصد للمذاكره هههههههه

لاعاد لاتظلميني خيتو سدرة المنتهى انا موبس برشمت ذاكرت لي ساعتين بس هع

اشكركم على تعليقكم

[الفراشه]

يلى مكسوره نستناك لاتتغلين عااااااااد
بسرعه

[مكسورة الخاطر]

طيب لا تعصبووووووووون علي برد على الموضوع

انتظروني مابطول عليكم لا تخافون هع

[الفراشه]

مكسوره حبيبتي وينش
ماكتبتي احداثك اليوميه
نحن بانتظارك لاتطولين علينا

[مكسورة الخاطر]

اشكركم على الدعوه

"

مساااااااااااء الورد والفل

هذا يومي امس هع

كل يوم اقعد الساعه 1 تقريبا اصلي إذا خلصت انزل تحت ادخل المطبخ على طول

افتح الثلاجة اسكرها على طول مالي خلق اكل اي شي مع انه الثلاجه ممتلئه

بعدين جلست اشوي على النت اشوف مدينتي هع الساعه 2 تغديت بالعافيه علي

صعدت غرفتي اخذت حبوب حقي قعدت اذاكر حق اختبار القدرات يارب يوفقني الين الساعه 3ونص طبعا للي يشوف البرد لازم ينام

نمت الين 4 وربع قعدت نزلت تحت اكلت بطاطس مع بسكوت هع الساعه 5 شفت التلفزيون مسلسل ليس سرابا بعد الهواش مع اختي على الجهاز
هي تبي تشوف مسلسل دنيا بايخه حيل

6 قمت اكنس البيت >> البنت توها فاضيه عشان تنظف دروها هع

بعد صلاة المغرب طلعت رحت بيت اهلي مارجعت الا 9 حطينا العشا خلصت رحت بلعت حبوب حقي صعدت غرفتي يم

اختي اسليها هي تذاكر الين 11 نزلت شفت التلفزيون مسلسل شر النفوس هع

بعدين 12 جلست على النت على المنتدى الين الساعه 3 طلع لي ابوي وطفي الجهاز ونحاش فوق هع

تدرون ابوي يخاف على صحتي او على عيوني هع انتظرت الاذان صليت ونمت هع وبس

إنشااء الله عجبكم يومي

"

اختار للي بعدي أمممممممممممممممممممممممم

سدرة المنتهى

[سفير الغرام]

هههههههههههه

صج دبة نوم هع .. نوم العوافي ان شاء الله

سلامتك ان شاء الله ماتشوفين شر>> مع انه مايدري ليه تبلعين حبوب

طيب اختك تذاكر شتونسينها فيه ههههههههه

يلا يومك كان مسلسلات ونوم هع

يعطيك العافيه على استجابة الدعوه

وونتظر الاخت المبدعه سدرة المنتهى

[الفراشه]

ماشاء الله عليك
لا ماينخاف عليك
انشالله مستقبلك زاهر
نحن بانتظار الاخت سدره
يعطيكم ربي الف عافيه

[مكسورة الخاطر]

هههههههههههاااااااااااااي

الله يعافيك .. وبعدين انت دوب مو انا هع

الشر مايجيك >> الحبوب حق اسناني ه:p

يسلموووووووو على الرد

....................

ننتظر الاخت سدره

[الفراشه]

وينش حبيبتي سدره
مادخلتي كتبتي لنا نبذه عن يومك
لكي يومواحد فقط ثم نختار عضو اخر بعدك
يسلمواااااااااااااا

[كعبة الاحزان]

هلا
كاني جيت
بس اعذروني ع التأخير
ما كنت ادري انكم اخترتوني هع هع
بس يالله معليه
انا الحين مستعجله بطلع
لين رجعت اكتبت لكم قصة حياتي << يؤؤؤ اقصد يومياتي

انتظروني

[كعبة الاحزان]

كاني جيت
عساني ما تاخرت عليكم بس

راح اقول لكم يوم امس
جلست الساعه 12 ضهراً وصليت بعدين قمت طبخت الغداء لان الوالده ما كانت موجوده بالبيت بس ما كملته لان الوالده جات وكملته ما بقيت الا من الله قب خخخ
وبعدها جلست ع النت فتحت ع المنتدى كانت الساعه 2 الظهر تقريباً وما قمت منه الا الساعه اربع العصر
بعدها طفيت الجهاز ونزلت تحت اشوف الوضع لقيت بعضهم نايم وبعضهم جالسين يذكرون
فتحت التلفزيون جلست يمه اشوي بعدين زهقت وقمت منه
رجعت فتحت النت وفتحته ع المنتدى حطيت موضوع وطلعت على طول
سكرته وقمت نزلت جلست يم الاهل الى اذان المغرب وبعدها صليت المغرب ومن بعد الصلاة جلست النايمين عشان يصلون
والساعه سبع ونص طلعنا رحنا الحسينيه لان كانت وفاة الامام الهادي مثل ما انتوا عارفين وبعد ما خلص الشيخ جلسنا ما طلعنا لان حنا متعودين ما نطلع على طول نجلس هذره اشوي مع الاهل ومع تجمع البنات في الحسينيه ما طلعنا منها الا الساعه عشر ونص تقريباً 0
يوم رجعنا البيت فتحت النت ع المنتدى وسكرته طوالي ما جلست عليه واجد بس كنت فاتحته اشوف المتواجدين
نزلت يم الاهل وجلسنا هذره لمن صارت الساعه 12 بعدها صعدت فوق بجلس على الجهاز الا اختي كانت جالسه عليه وكانت تكلم صديقتها مسن جلست يمها
بس كذا اطالع سوالفهم
ويوم صارت الساعه 2 جعت ونزلت جبت لي عصير وشبس وكاكاو وجلست اكل واشوف محادثة اختي مع صديقتها وتعليق وضحك ع المحادثه لمن جا وقت صلاة الفجر صليت ونمت وبس بكذا انتهى يومي
وعسى ما زهقتكم منه بس
تحياتي للجميع
اختكم
سدرة المنتهى

[سفير الغرام]

كان يومك حلو بالليل بتقضيته بالحسينيه

بس لو انك جالسه داعيه لنا احسن من سوالفك مع البنات ههههههههههه

طيب جبتي لنا اشوي شبس ولا؟ هع

الله يعطيك الصحه والعافيه ان شاء الله

بس شفيك ما اخترتي من الشخص الي بعدك

لك اجمل تحيه

موفقه ان شاء الله

[صديق الحرية]

عجبتني لعبة بانتظار الجميع

يسلموووووووووووو على

اخوكم لــورنس

[كعبة الاحزان]

هههههههههه
تسلم خيي سفير
يعني لاتخاف دعيت انك تذاكر وتنجح من غير براشيم ههههههههه
وعلى سالفة الشبس خواتي كانوا يمي ماعطيتهم بعطيك انت ههههههههه<<< امزح لاتصدق

وعلى سالفة الاختيار
مادري صراحه منو اختار
اشرايكم في اخونا الجديد لورنس
يالله يالورنس ما دام اللعبه اعجبتك
ورينا كيف تقضي يومك ؟؟؟

[صديق الحرية]

مشكورة اختي على الدعوة
بس لي عودة

[كعبة الاحزان]

اللهم صلي على محمدٍ وآلِ محمد

العفووو اخوي لورنس
وفي انتظار عودتك لعرض يوم من حياتك اخوي
يعطيك العافيه وما قصرت لقبولك الدعوه

[صديق الحرية]

بسم الله الرحمن الرحيم
السلام عليكم ورحمة الله وبركاته
بكلمكم عن يوم الخميس
طبعا كانت جلستي من النوم تقريبا الساعة 12
..اكيد الصلاة بعدة النت جلست علية او بعدة اكيد الغدة وبعد الغدة
جلست اسولف مع الاهل وفرفر في النت
تقريبا الساعة 4 صاحبي اتصل رحنا طلع السيارة من الورشة بعدة
رحناالملعب انا مالعبت اتفرج على الشباب الين الصلاة رجعت
البيت اكيد وينك النت الين الساعة 8 طلعت مع الشباب
رحنا نفرفر او بعدين رحنا الجلسة سوالف الين الساعة
واحد تقريبا رجعت البيت او بعدة
اكيد النت الى صلاة الفجر وبعدها نمت طبعا هذا كان
يومي انشالله يعجبكم مافي احداث
المهم المشاركة معكم

اخوكم لـــورنس

[صديق الحرية]

بس مادري العضو انا اختارة او مين مادري فهموني

[صديق الحرية]

بما أن الاختيار بيدي راح اختار
راح اختاراولا واحد رحب فيني في المنتدى وهو
بنت الجبيل

[كعبة الاحزان]

بالعكس يومك حلوو اخي لورنس
وهذا هو الروتين اليومي عند الاولاد يعني طلعه بالسياره فراره وكوره

يعطيك العافيه لتجاوبك
وفي انتظار الاخت بنت الجبيل

[بنت الجبيل]

((لورنس ))
مشكورررر على الدعوة...
أن شاء الله لي رجعة....

[صديق الحرية]

مشكورة اختي على تقبل الدعوة
بانتظارك

[بنت الجبيل]

هلا بيكم.....
بقولكم عن يوم الجمعة (أمس)...
طبعاً بعد الجلسة على النت لين الفجر الساعة 5 نمت وقعدت الساعة 10 الظهر وقمت مع أمي احوس في المطبخ واجهز معاها الغدى...وجهزنا الكبسة اللي تدوخ الراس..
بعدها جا أبوي واخواني وتغدينا وقومي يا بنت الجبيل وجلسي على النت كذا الساعة 2جلست الين الساعة 4العصر قمت يم أمي أسولف معها...ياربي وشو بعد أي تذكرت دقت علي صدقتي من أسبوعين ماكلمتها أهي من قرية ثانية وجلسنا نتكلم باتلفون ساعة...بعد جاى عمي وبنتة زهور فديتها انا صغنونة تجنن ولعبت معاها وبعدين جاى عمي واخذها في وقت الصلاة صليت وجهزت العشا وتعشينا وبعدين رحت أذاكر ساعة وبعدها كذا الساعة 9نمت ...وقعدت الساعة 3الفجر أذاكر.....واليوم أختبرت والحمد لله سهلة المادة حيل (فيزياء ) ...بس هذا يوم الجمعة يعني أمس ونصف اليوم...
شرايكم في يومي .....
فلة صح ...
مودتي لكم...

[سفير الغرام]

يسسلمو على الدعوه خيتو سدرة المنتهى هع

اما لورنس كان يومك كويس

عاد كان عزمتنا بأستراحتكم هههههه

بنت الجبيل ان شاء الله خليتي لي من الكبسه هع

بالتوفيق لك ان شاء الله تكون درجاتك كلهم كامله يارب

بالتوفيق للجميع

بس ليه ما اخترتي العضو الي بعدك يلا اختاري >>متحمس ههههه

[بنت الجبيل]

أي تبي اطلب أي يوم تبيها وراح
أسويها عدل الحمد لله ماهرة فيها والكل
يشهد راح اخليك تدوخ فيها ...
صراحة أشكرررررررررررررر
لورنس
على دعوة لي انا جداً سعيدة بتجربة ذي.
يسلمووووووووووووووووووووووور لورنس
مادري مين أختار............
شرايكم نختار...
سفير الغرام ....

[مكسورة الخاطر]

متابعه بصمت ..

بصراحه انتوا اكشن مع يومكم هع ..

:)

[سفير الغرام]

هههههههههههه

خلاص سويها وعزمينا عاد لاتحرقينها لي هع

مشكوره على دعوتك

بس انا طلعت الشاشه قبلك ههههااااي

طيب انا راح اختار بدالك >>شدخلك انت

اختاري سعودي غير او الرصاصي هع

[بنت الجبيل]

خلاص سفير الغرام راح أستنى متى اسويها لك...

قلتك راح تدوخ مافي مجال لنقاش...
(lana- ( تم حذف البريد لأن عرضه مخالف لشروط المنتدى ) )
خلاص نختار سعودي غير....

نحن بأنتظارك يا ولد القرية....

بنت قريتك بنت الجبيل.

[سعـــ غيرـــودي]

يالله انا اتابعكم من بعيد ادخل اشوف يومياتك واطلع ما احط ردود

بس وين بتروح وراك وراك الله يعيني خلاص بكلمكم عن يومي هذا وامري للة انتظروني في الليل ان شاء اللة

لي عودة واشكر بنت قريتي والي ما اقدر ارد لها طلب بنت الجبيل على الدعوة

يسلمـــــــــــــــــوووو

[سفير الغرام]

>>يقول واثقه البنت انه راح يدوخ على الطبخه هههههههه

يلا ننتظر ونشوف

ونحن بأنتظار سعودي غير

نبي نشوف يومك :ongue:

[سعـــ غيرـــودي]

بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين

طبعاً أنا كل يوم يختلف عن اليوم الي قبله يوم في اكشن يوم كلة ضحك ويوم الله يستر المهم احدثكم عن يومي طبعاً مافي شي حلوة لأنى ربعي مشغولين مو كلهم البعض الي يشتغل والي يذاكر للأختبارات

اول شي جلست الصباح الساعة 8:10 على طول شغلت الشاشة للكمبيوتر لأني مشغلنة من البارحة ولا طفيتة اسميتاً مواعد الشباب بعد ما يخلصون اشغالهم اسولف معهم الساعة وحدة وانا عاد نكبتهم راحت عليي نومة ههههه

المهم وعلى طول على المنتدى اشوف الجديد والحلو ظليت الين جات اختي من مدرستها كذا الساعة 9:06قلت خليني اقوم اجيب فطور من الفوال الي هو المخبز لأنها صار لها كم يوم زاعجتني جيب لي فول وجيب لي فول المهم قمت وجبت جلسنا نفطر ورجعت جلست على المنتدى كذا الساعة 10:00 جات امي قوم ياسعودي جيب لنا خبز من البقالة قمت وشفت الشباب ابناء العمام جالسين عند البيت قلت خليني اجيب الخبز وجلس يمهم اشوي طبعا قمنا نلعب كرة قدم في حرارت الشمس بس انا ما فسخت النعال مينون اناالمهم ظليت لين اذن الظهر وبعدين رجعت البيت خلصت صلاة وجلست على المنتدى واشوي على الماسن اكلم الشباب الي نكبتهم اشوي وتجيني اضافه طبعا انا شكيت منه راعي هالاميل لأنها جاتني من واحد قبله يشبه بالضبط اللهم اختلاف في الاسامي جلست معاه سعة كاملة ابقاه يعترف منهو هو موراضي جالس يتمصخر عليي قلت دام السالفة كذا خلينه نتمصخر معاة شوي بعدين يوم زهقت قالي بروح اتغدة قلتة حياك وارجع لشغلي في المنتدى لين الساعة 4:30 وبعدين قمت وجلس اخي الصغير يبي يلعب على الكمبيوتر مو يلعب يتابع الرسوم

المهم وانا قمت طلعت افرفر اشوي يوم خفت الشمس من الحرارة طلعت رحت بيت اهلي وجننتهم اشوي ماخليت الحجية ترتاح تنام وتلعبت في هالامورة اشوي
http://www.dohaup.com/up/2009-06-29/dohaup_1308395427.jpg

وطلعت ورحت بيت العمه وبرضوا جننتها ماخليت عيالهايذاكرون خربت عليهم بعدين طلعت رحت الملعب بس الملعب يعني مو زي عوايد في ناس كثار بزارين الي يلعبون قلت مادري اروح الملعب الثاني هونت ورحت حق صاحبي علية اختبار بس ماخليته انا يذاكر طلعنا نتمشى اشوي قرب اذان المغرب جيت بروح البيت اتصل بي خالي واشغلني صارت الساعة7:15 توني ماشي ربع الطريق إلا اشوف اهلي رايحين بيت ام الحجية وقفولي بس انا ماركبت قلت لهم انا بروح امشي على رجولي لأني عارف اني راح اوصل قبلهم المهم جلسنا ساعة وبعدين هم طلعوا وانا ضليت اتعشيت معهم ذيك الاكلة الي يحبها قلبي المعكرونة خلصتالحمد لله طلعت جلست اشوي مع الشباب في ملعب قدام بيتالشباب لين الساعة كذا 10 تقريبا ورجعت البيت وحطيت راسي ونعم وانتهى يومي وان شاء الله ماطولت عليكم


اختار من بعدين غمزة دلع

[بنت الجبيل]

سعودي غير...
أم انتة تحب تخرب على الناس وتجننهم ....
يلا ننتظر الاخت غمزة دلع...

[مكسورة الخاطر]

سعودي حلو يومك ..

شكلك مزعج خربت عليهم كل شي هع ..

ننتظر غمزة ..

[سعـــ غيرـــودي]

ههههههههههههههههه

لالا انا ماحب اخرب على الناس بس البيت الي في بزارين احب ادخله واجلس عندهم واجننهم لاني اموت على البزارين

[الفراشه]

يلى حبيبتي غمزة دلع
نحن بانتظاركـ
لاتطولين علينا

[الغريب]

بس هذا انت يا سعودي قضيت يومك كله ادوارة ماتعبت
هههههههههههه
صراحه هالبنت هذي اللي انت مصورها عسوله الله يخليها لهلها

[بنت الجبيل]

شكلك ياسعودي غير
طفولي ....

الله يخلي لك بزارينك والله يخلي روحك الطفولية

[انشودة المطر]

سعودي يومك كل تخريب ودوارة


انا اقول كل اللي في خاطرك سوة لأنك اذا كبرت راح تحاسب على كل خطوة تخطوة


على الفكرة انا احب المقالب والفرفشة


ما شاء الله عليك ياسعودي مرح و فرفشي ان شاء الله دوم


وننتظر غموزة

[واحد من الناس]

واتصل على ربعي واعطيهم اجوبة الأسئله

وبصراحه ما اكذب عليكم صرت اسرع بالسياره علشان الحق على المكتبه الي جنب بيتنا

ابي اسوي براشيم

ههههههههه
هذا ربعك مسوينك مجتهد يأخذون من الاجوبه
وفي النهاية يطلع انك صاير مجتهد بالبراشيم
ههههه

[كعبة الاحزان]

ههههههههههههههههههااااااااي
سعودي غير
اما يومك صراحه اكشناااااااااااات مو اكشن
يوم حلوووووو
والله يخليك لاهلك اللي تلعوزهم

يعطيك العافيه على هالسطور
وموفق
في انتظار الاخت غموووووووووزه

[سفير الغرام]

ربي يخلي لكم هالبنوته العسل

عاد ياسعودي مرني وخل نروح نلعب معك هع

الله يسعد ايامك كلها ان شاء الله

ويخليك لأهلك ويزوجك

يلا ننتظر الاخت غمزة دلع

[الفراشه]

يلى عاد غموزه لاتتغلين علينا
نستناك لاتطولينها وهي قصيره

[سعـــ غيرـــودي]

افففففففففففففف

غموزة وينك

الموضوع نام بس من اخترناك انتي لو ادري انو بيصير كذا ما اخترتكبس يلا بعطيك مهلة كم يوم بس

يلا نحن في انتظارك يالغلا في يوم حلو ورائع

[مجـ وتكابرـروحه]

يسلـــــــــــــــمووو اخوي سعودي غير
بصراحه لقبك مناسب لك انت غير
يومك رووووعه فله حيل
بس اتوقع انو غمزه ولا لاباكر بترد عليكم
اختار غيرها اذا ماردت عليك
خلونا نشوف يوم حلووو مثل يومك
والحجيه الي جننتها وانا بجننها بعد خخخخخ

[غمزة دلع]

هلا فيكم
وشفيكم علي طيب معصبين والاخ سعودي متحسف لان اختارني

ليش الانسان مايمرض مايصير فيه شي

طيب واحد فيكم حس واتصل فيني تلفون وقالي جاوبي هههههههههه

هذا بس اعلن جيتي وجايه اشوف ايش تبون مني ههههههههههههههه

[غمزة دلع]

هلا انا جيت احكي لكم يومي

http://www.dohaup.com/up/2009-08-15/dohaup_1874190336.gif (http://www.dohaup.com/)

نمت بعد الصلاة و الا اشوي جالسه البنت ترتااع مدري شفيها الا اسمع طررررررررراخ واجلس واطل يمين يسار ماشفت شي

بس انا متاكدة اني سمعت صوت قوي المهم شفت سيارة المجرم في الارض لان مايقصر يجب كل الالعاب على السرير يحرسهم قلت هذا الصوت يطلع منها مايصير

المهم انا قلت يصير ليش لا
طبعا هذا الكلام الساعه 9 الصباح

كملت نومي الا اشوي اجلس احس اني جايعه وافتح الثلاجه ومحتارة ابي شي خفيف مايثقل علي
اخذت ربع خبزة مع جبن كيري وعصير وماي
اكلتهم وبالعافيه ورجعت وياوينك ياسريري ونمت

الا اشوي واسمع صراااااااااااخ واقوم مرتاعه الا المجرم الي نايم جنبي اقصد (ولدي ) شكله حلماااان

نيمته ورجعت نمت



مسكينه انا صح نومي كل مقطع

http://www.dohaup.com/up/2009-08-15/dohaup_305722760.gif (http://www.dohaup.com/)
ورنت الساعه على 2 وطفيتها ورجعت حطيت راسي وقلبت الجنب الثاني

الا رن جوالي الساعه 3 وطلعت جارتي

http://www.dohaup.com/up/2009-08-15/dohaup_1908520007.gif (http://www.dohaup.com/)
قلت مدري شعندها الا قالت تبيني امكيج اختها اي نسيت اقولكم اني امكيج خخخخخ لازام اسوي اعلان

المهم قلت لها عاد انا عندي طلعه بالمغرب لازام تجي مبكر

اي لازام افرض اوامري ههههههههههه اتدلع اشوي

وقمت وتروشت وصيت الا اشوف اكشن صايرة بالبيت ياوووووووووووووولي

صاير شي وانا نايمه يعني

رحت اكتشف

تخيلوا شفت في المطبخ رز بخااري حار من وين جا؟؟ وبدات الحيرة
ورحت المجلس انا قبل مانام منظفته ومافي شي الا اشوف الطاوله متغير مكانها وقرشه بيبسي سفن اب فاضيه
وعلى طول وينك يالشرطه

ههههههههههههه قصدي بو الشباب اتصلت عليه وقلت له انت جااااااااااي وانا مبسوطه
قال اي جيت وشريت اغراض وحطيتهم بالثلاجه وتغديت ويلا روحي تغدي
قلت له يؤ يؤ ليش ماصحيتني ؟ الاختى عصبت ماتحب هالحركه
قال مابي ازعجك خليتك ناايمه حركات ياعيني على الرومانسيه

وقالي اي مادريتي بالحادثه الي صارت قلت له شنووووو

قال صورة حدور طاحت وانكسرت

وهنا قلت اااااااااي الحين عرفت مصدر الصوت القوي

تدرون شنووووو
طلع صورة حدور الي بالمجلس طاحت من الهوا ااا وجاني الصووووووووت لغرفه النوم


حدي استغربت بس اكتشفت لان كان هوووا قوي


ورحت اشيك بعد ماسكرت الا ماشفت الصورة الا مكسورة بس الحمدالاه جات سلامات وبو الشباب ماقصر نظف الزجاج

وهذا يومي الى الان ولحين جات الساعه 5 والي بيزينها ماجاااااااااااات

اكيد استغربتوا ماقلت لكم تغديت

لاني ماحب اكل بروحي بس بقوم الحين اتغدى

ومثل مانتوا عارفين الواحد مايحب ياكل بروحه
دوام زوجي من الصباح لين المغرب بروحي واكشني مع حدوري

واليوم مافي اي اكشن هدؤؤؤ جدا

وان شالله بعد الصلاة بروح مولد في استراحه واكيد بستانس

يلا تقريبا هذا يومي خلص

http://www.dohaup.com/up/2009-08-15/dohaup_344916468.gif (http://www.dohaup.com/)
بقوم اتجهز
واتمنى يومي يعجبكم

ومرة ثانيه اذا اخترتوا شخص لاتعصبون لااسكر الموضوع ههههههههه البنت تهدد :137:
http://www.dohaup.com/up/2009-08-15/dohaup_414035874.gif (http://www.dohaup.com/)

واختار بعدي انشوودة المطر

[انشودة المطر]

يسلموووووووو يا الغلا على أختياري

طبعاً الكل عارف ان في العطلة سهر في اليل ونوم في النهار

جلست تغريباً كالعادة الثانية ظهرا على طول الحمام تروشت وتوضيت و صليت الظهر

ونزلت تحت يم المام وتغديت معاها وشربنا الشاي مع بعض

ودخلت المنتدي الااشوفه مايفتح جان انقهر . وروح افتح منتداي الثاتي : ولمن صارت الساعة اربع ونصف

رحت الحسينية علشان ادرس البنوتات (لسن التكليف)

وارجع الساعة الخامس والنصف .. واجلس على الكمبيوتر وطبعا لازم اشغل قصائد لرادودي المفضل والمميز

صاحب الحنجرة الذهبية ملا باسم

وصعدت المغرب غرفتي وصليت وبعدين دخلت المطبخ سويت العشى لان أختي العروس جاية مع زوجها

وتصلت علي صديقتي تعزمني على كاتو وعصير : سألت الباب قالي ماعلي روحي


ورجعت الساعة (11) وجان اشوف الوالدة مع الشغالة عافسين الصالة ومغيرين اتجاة الكنب ويا التلفاز

وجان يقولي ابوي يالله صعدي غرفتج وجهزي ملابسك علشان بكرة راح تسافرين الظهر. وجلست اطالع فية

وقولة حلوة ها المزحة بس قوية قالي ان اتكلم جد : وبعدين ردت علي امي وقالت اي صحيح بكرة بتروحين المدينة

تو الأن متصل على راعي الحملة وحجزلج انتي وياأختج وخوج

على طول اصعد غرفتي وجهزت ملابسي وملابس اخوي الصغير , وبعدين جلست على النت ودخلت المسنجر

وجلست اكلم بنت عمي . واكلم غموزة
وعند الساعة الثانية والنصف ليلاً , اصلي صلاة اليل وبعدين اروح اتهاوش اشوي مع اخواني الأولاد

ونسوي ازعاج موصاحي وبعد صلاة الفجر ادخلهم معاي المطبخ ونسوي فطور معتبر وبعد الفطور اقولهم يالله من غير مطرود ياالله كل واحد يروح غرفتة وينام وجلس على النت لحد مايجيني النوم

وهذا يومي يا طويلين العمر اتمني يعجبكم

وختار من بعدي مجروحـــــــــــــــــــتكابرــــــــــة

[مجـ وتكابرـروحه]

آسفه حبايبي على التأخر لكن أنا رجعت ويومي معي >>> ههههه وينه
المهم يومي عن أمس
أول شيء الاهل موجودين دائما يجتمعون في بيتنا من بعد الفطور لين نخلص السحور وبعدين يمشون او يفطرون ويتسحرون وبعدين يروحون بيوتهم
المهم وبعدين نرتب البيت كله بعد مايطلعون أهلي ونخلصه من وإلى
وبعدين تجي وقت الصلاة ونصلي ونخلص صلاة كلنا
ونطلع نروح والله الجبل رحنا اول جبل الشبعه ونلعب بالدبابات لعب كلنا
واذا خلصنا لعب من الدبابات نجلس شوي ونريح بعدها رحنا جبل القارة ودخلنا المغارات
وياربي تخوف ضلمه حيل من داخل حتى المبات الي مشغلينها وحدة بس ولاتنور عدل بعد
الموهم خفنا حنا لانو شمينا ريحه غريبه حيل والله وطلعنا من الجبل
رحنا المشروع بعدها وخسارة صار مسكر يعدلون فيه
ويبنشر الكفر علينا ونضل حوالي ساعه في السيارة وهم يصلحون الكفر
وبعدها تعبت وخلاص جاني بطني غصب يبون يودوني المستشفى وضلو من مشفى لمشفى بس علشان انزل ولا رضيت وقلت لهم ابي اتمشى علشان يخف بطني
ونرجع الجل ونلعب لعب ويخف بطني مع الوناسه والله
وبعدها رجعنا البيت الساعه 10 الصباح
وبعدها سويت طبقين من الحلى قبل انام
وزين سويت طبقين ماجلست الا الساعه خمس ولاسويت الا بسرعه طبق الساعه خمس
وبعدين تفطرنا وشربنا الشاي وطلعنا السوق ورجعنا متاخر سونا السحور وتسحرنا وهذا يومي كله ماشفت ولا فلم والله
يومي هذا ممل جدآ لذلك كتبته لكم لاني طول اليوم خامدة وأختار من بعدي >>>>
شاعرة الوديان ويالله وينك
http://www.w6w.net/album/37/w6w2005042309524727dcfa6c.gif
ننتظر يومك شاعرة الوديان
http://www.w6w.net/album/37/w6w20050423095334311781cf.gif
ودي ومودتي ... مجـــــــــــــــــــروحه

[نـور البتول]

ههههههههههههههههـ
ايامكم حييـــــل حلوووهـ
وغموزهـ خخخ حلوهـ هاي تسمعين اصوات وترجعين تنامين
لو انا منكـ يمكن اروح بيت الجيران من الخرعه خخخخـ >> تنكت الاخت ههه

انشودهـ الله يتقبل ان شاء الله في سفرتكـ
هههههـ اكيد رحتي ورجعتي وانا توني اقولك الله يتقبل والحمد لله ع السلامه ههه
مجروووحهـ
يومك كشخه
واهم شي في طلعات ووناسه ولعب ووووو الخ هههههـ
دووووم ان شاء الله يالغلا
ويالله بانتظار الاخت شاعرة الوديان

[شاعرة الوديان]

السلام عليكم جميعآ

تحياتي الحاره لك أعضاء منتدى القرى الشرقيه

انا بالنسبه لي بتحدث عن اليوم الذي يصادف 22/9

في بداية اليوم طبعآ كلكم عارفين انو في الاجازه كلنا نسهر في الليل ونام

النهار.... مع بداية نومتي طبعآ هذا الساعه تقريبآ 10 الصباح

لانو تدرون ورانا طبخ ونفخ(شاده الحيل ههههه)

جلست الظهر على الساعه 2 ... بعد ماخلصت صلاه وعلى مافتحت عيوني

لجل يصير لي خلق ادخل المطبخ(حالات احنا لما نجلس من النوم)

يعني بالراحه مادخلت المطبخ الا على الساعه 3 ونص صراحه..

اسم شاده حيلي وطبخت لهم طبقين (وبعد واجد علي)

كنت وانا في المطبخ مع اختي والملاهه قايمه وامي تقول شكلنا عليكم ماراح نفطر اليوم

المهم أكمل المسلسل لكم

أذن المغرب طبعآ انا اول من يطلع من المطبخ لجل ما أرتب السفره,, اروح أصلي

بعد ماخلصت الفطور,,,

طلعنا رحنا بيت عمي جلسنا شوي بعدها رحنا نكمل الاعمال في الحسينيه

بعد ماخلصنا الاعمال كانت الساعه تشير(والله مصدقه عمري انا )

كانت الساعه تقريبآ 1 فجرآ لانو بعد الاعمال تسحرنا في الحسينيه

بعدها رحنا السوق نقضي حق العيد والمدرسه (والله فله متى ترجع المدرسه)

ورجعنا بسرعه لانو حاطين قرار الحكومه على المحلات الى الساعه 2 ونص بس

والله ما أستانست في السوق بسرعه مر الوقت

جينا البيت وأخواتي كلن راح لبيتهم ,,,, وخلص يومي لما طلعو خواتي من البيت

طبعآ انا شنو اسوي اجلس على النت وأكيد على منتداي الحبيب

وأجلس عليه الى وقت الصلاه وبعدها جلسه الى الساعه 10 الصباح على التلفزيون

وبكذا خلص يومي

(احس انو يومي صار مسلسل تركي شوي واسويه 100 حلقه)

مشكوره غلاتي مجروحه على دعوتي للموضوع الرائع للتواصل بين ابناء المنتدى الحبيب

أما بالنسبه الى اللي اختاره العضوه الحبيبه الغاليه على قلوبنا

(رحيق الزهور)

وننتظر يومها بفارغ الصبر

تحياتي :اختكم في الله : شاعرة الوديان

[الفراشه]

رحيق حبيبتي وينك
يلى شدي الهمه ورينا شطارتك
.
..
..
..
..
..
..
ننتظـــــــــــــــــــــــــركـ يقلبي

[مجـ وتكابرـروحه]

إذا بنضل على رحيق بنوقف الموضوع
لذلك ننتظرها يومين واذا ماحطت يومها انا بختار بدال شاعرة
ملقوفه بس ماعليه
هههههههه ودي لكم جميعا