.. يـا لـيـل ..

[عمر الندم]

يا ليل وصِّل ما بقلبي منِ الشـوق
وأرسل معَ أشواقي أحر السلامـي

سلام للي ساكنه داخـل ِ المـوق
اللي لها قلبـي شفـوق ٍ وظامـي

فيني غلاها دايـم ٍ صايـر ٍ فـوق
فدوه لها عمـري ولانـي ملامـي

يفرق حلاها عن حلا كلِّ مخلـوق
وحْروفها تصنع لي أحلى الأسامـي

آميرة ٍ في حكيها الغنـج والـذوق
دلوعة ٍ يا حلْـو منهـا الكلامـي

ما كنّها الا الشمْس ِ في حزة شروق
وإلا جمال البدر وقـت التمامـي

يا ليل خبّرها ترى القلب محـروق
و ضلوع صدري سبِّتك في صدامي

يا ليل خبّرها ترى صابنـي العـوق
ما كنّي الا مـن بقايـا الحطامـي







بقلمي & عمر الندم

[عاشقه رومانسيه]

تسلم يمناك
والله يعطيك العافيه

[عمر الندم]

الله يسلمك عاشقه رومانسيه

يشرفني مرورك ويشرفني زيارتك ومشاركتك في موضوعي

زيارتك تضيف لي ابداع في مواضيعي

يعطيكي الف عافيه

تحياااااااااااتي